Writing Prompts

Aadarniya Whatsapp Uncle

Aadarniya Whatsapp Uncle,
Asha hain aap sakushal honge,
Sabse pehle toh Whatsapp ki taraf se Bharat ke rashtragaan ko sarvashreshta rashtragaan milne ki shubhkaamnaayein
Aap aise hi agar Harr Harr Chokidaar ki maala japte rahenge aur Congress ko niyamit roop se din main 4 baar gaali dete rahenge  (Jabki jab wo asal main gadbad jhala kar rahi thi, aap galle pe baithe the)…Tabhi yeh desh acche dino ki aur agrasar hoga
Thode din pehle Chintu se baat hui, usko aapne MBA ke liye America bhej kar bahut accha kiya, kam se kam wahaan wo #BlackLivesMatter ka board leke toh khada hai nahi toh yahaan IIT main selection na hone par bade bade Anti reservation rant daal raha tha…
Sudhir aur Amish bhai aapke hospital ke kharche ki baat karein na karein,  deshbhakti ka bharpoor khayal rakh rahe honge…
Kuch dino se ek shanka mann main yoga kar rahi hai…uss din aapne subah subah Buddha ka quote daala aur shaam tak saare Markaz waalon ko khatam kardo ka forward bheja, Kuch samajh nahi aaya… shayad shaam ko aap economy badha rahe honge kaaju ke saath…
Kaaju se yaad aaya…wo uss din aapne lockdown main pehli aur aakhri baar #CookForYourWifeChallenge main jo moong ke pakode banaye the uski recipe zaroor bhejiyega
Sorry sorry maine aapka zyada waqt le liya… Aapko toh Whatsapp pe 21 logon ko China Ka Asli Sach forward bhi karna hoga…
Toh abhi ke liye main vida leta hun…
Sabko yaad kijiyega
Khaas Karke Gau Mata ko

Aagyakaari Anti National,
Aap jiska lifafa 501 se 101 karne waale hain wo waala ladka

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s