Aaj Ka Akhbaar

Aaj ke akhbaar ke hain bas do yaar
Ek hai pakodewaala Pooranlal
Aur duji hai humaari sarkaar
Phela Garam Garam Pakodon
main Masaalon ka kare aisa phair
Ki pait saaf huyi jaave…
Duja khabron
main maslon ka aisa kare phair
Ki Brainwash hui jaave…

Prem Aur Ishq

Tujhe Allah ne banaya hai,

Mujhe bhagwaan ne banaya hai,

Prem bhagwaan ne banaya hai,

Ishq Allah ne banaya hai,

Par yeh nahi pata hum dono ko kisne milaya hai…

Maine apni prathna ki,

Tumne apni ibadat

Par yeh nahi pata kismein thi zyada taaqat

Shayad yeh Bhagwaan aur Allah ki mili bhagat ka natija hai

Aisi mili bhagat jisse aam log toh kya Sarkarein bhi darr jaati hain

Daraar daalne ke liye jo kya kuch nahi kar jaati hain

Par khair Sarkarein badalti rahengi

Subsidy ghatti badhti rahengi

Par humein usse farak kya padna hai

Teri aankhon main mere prem ka maansarovar jhalkta hai

Aur meri aankhon main tere ishq ka haji basta hai