Excerpt from Raseedi Ticket by Amrita Pritam
“Yeh ek wo pal tha…. Jab ghar main toh nahi par rasoi main naani ka raj hota tha. Sabse pehla vidroh maine uske raj main kiya tha. Dekha karti thi ki rasoi ke ek kone main teen gilaas dusre bartano se alag pade rehte the. Yeh gilaas sirf tabhi utaare jaate the jab pitaji ke koi musalmaan dost aate the aur unhe chai ya lassi pilaani hoti thi aur uske baad manjh dhokar phir wahi rakh diye jaate the.
So, unn teen gilaason ke saath main bhi ek chauthe gilaas ki tarah ril-mil gayi aur hum chaaron naani se ladd pade. Woh gilaas bhi baaki bartano ko nahi chu sakte the, maine bhi zidd pakad li ki main aur kisi bartan main na paani piyungi, na doodh-chai. Nani unn gilaason ko khaali rakh sakti thi, Lekin mujhe bhooka ya pyaasa nahi dekh sakti thi, so baat pitaji tak pahunch gayi. Pitaji ko isse pehle pata nahi tha ki kuch gilaas iss tarah se alag rakhe jaate hain. Unhe maloom hua, toh mera vidroh safal ho gaya. Phir na koi bartan hindu raha, na musalmaan.”
PS: Kaash itni himmat mujh main bhi hoti.
