Ek katra hai khoon ka,
Jo yeh shikayat karta hai,
Tum galat kar rahe ho.
Ek katra hai khoon ka,
Jo mujhse shikayat karta hai,
Tum raah bhatak gaye ho.
Ek katra hai khoon ka,
Jo aksar yeh shikayat karta hai,
Tum jaankar bhi anjaan ban rahe ho.
Ek katra hai khoon ka,
Jo bas shikayat karta hai,
Tum kitni aasaani se gumraah hote ho.
Hum toh desh ke dushman se ladne waale the,
Hum toh kranti laane waale the,
Inn chakaron main kyun pad gaye,
Humwatan ka hi lahoo bahaane tum lag gaye.
